أنا حر
زي ورق الخريف
صوتي حفيف
دب رجلي كفيف
**
الخطوه بزمن
والفكره محتاج دهر
فوق الجبل من تحته
جمبه أنا ولا عمري لمحته
حرقني نور السما
سحراني النجوم
الليل لزوم الهوى
والبحر يطيب خاطر الزعلان
الزمن كفوف الرحا
**
الحزن طاقه مكبوته
محجوزه..... مخنوقه
تهد الهرم ..... تحرك أبو الهول
خوفي من النور
منعني أثور
الغضب مفتاح القبور
**
أعبر..... اتكلم
أفكار مش مسموحه
أفكار الكبار أوامر لفرخ مدبوحه
خلاص زمن الخوف أنتهى
الجبان كره دور الكتكوت
اللاطش والملطوش
الضارب والمضروب
القاتل والمقتول
**
خلاص كفايه أكتفينا
ومن ألمنا بكينا
لا عمر الدموع
نستنا حبيب
ولا عمر الكلام
خفف ألالآم
يازمن أمسك عقاربك
ياساعه ثبتي الأيام
أنا حر
محمد عمار
No comments:
Post a Comment